تعالو نتكلم عن نفسنا

ايه رايك في الموضوع ده

عمرك ما حسيت انك عايز تتكلم عن نفسك

عمرك ما حسيت انك عايز تفضفض

عمرك حسيت انك عندك مشكلة بس مش قادر تحكيها لحد

عمرك حسيت انك مش لاقي حد يسمعك

تعالوا هنا نتكلم عن نفسنا

مش عايزين نعرف اعمار

مش عايزين نعرف جنسيات

مش عايزين نعرف اذا كنت شاب او فتاة

كل اللي عايزين نعرفه

مشاعر انسان

وانا هبدا

اتمني الموضوع يتثبت

انا بحس طول الوقت ان ضايع

تايه

يمكن مش عارف عايز اعمل ايه

لكن عارف ان جوايا حلم بحاول احققه

يمكن عارف اني مش هقدر احققه

بس بحب احلم

زي ما بيقولوا لو بطلنا نحلم نموت

انا طالب فى كلية الحقوق

ياتري لو بايت محامى ده يرضي طموحي ؟؟

مش عارف اوقات بحس اني المفروض ليا حاجه احسن

نفسي اخلي الناس من حواليا مبسطوين

نفسي ملاقيش حد مرمي في الشارع وبيمد ايده ويقول لله

نفسي الناس كلها تحس ببعضها

اوقات لما بشوف انسان مرمي في الشارع بضايق اووي

واتمني من ربنا الغني عشان اقدر اساعد الناس دي انشالله اعملهم مرتب شهري لكن للاسف ما باليد حيلة

عمركم شوفتوا حد عايز يبقي غني عشان غيره ؟؟

عمري ما فكرت لما ابقي غني اشتري عربيه فخمه وفيله كبيرة

مش هقولكم مفكرتش لا فكرت

بس للاسف دي مش اول حاجه فكرت فيها

اول حاجه فكرت فيها ازاي اساعد اللي حواليا

ازاي اساعد اصحابي

صاحبي ده ظروفه تعبانه بس كويس

اه ياريتني كان عندي شركة كنت شغلته في مكان يليق بشغله وكمان يعيشه في مستوي كويس احسن ماهو مدفون تحت التراب

حاجات من دي كتير

هستناكم تتكلموا عن نفسكم

ممكن تتكلموا مرة واتنين وتلاته

انت بجد موضوعك جميل

وانا حتكلم عن نفسى
انا بحب الخير للناس والله مفيش حد بيكره الخير للناس
بحب والدى ووالدتى لانهم كل شى فى حياتى
بس انا على طول بميل للحزن زى متقول بحب الحزن اوى
انا مش عرافه اقول ايه لانى عندى كلام كتير مش حينفع اكتبه كله هنا

بما إن الموضوع بتاعك محتاج صراحة وإننا نفتح قلوبنا من غير خوف
يبقى أحب أبداء أنا الأول علشان حتى اللى بعدى يتشجع
أنا الحمدلله طيب جدا وإنسان عادى جدا بحب الشغل جدا بحب الليل بحب البحر وخصوصا باليل
بحب الخضرة بحب الخيل جدااااااااااااا الأحصنة يعنى لانه كائن رقيق ومش أى حد يفهمه
من عيوبى
إنى عصبى لانى بكره الظلم لذلك مش بقدر أستحمل وأمسك أعصابى بجد
الوحش مقدرش أجامله أو انافقه وأعامله عادى . بجد مش بقدر , واللى بيخدعنى مرة صعب جدا إنى أغفرله بجد لأنى عمرى ماجرحت حد
الحاجة الأخيرة نفسى بجد أحب وأتحب والاقى شريكه حياتى بجد بقى انا زهقت
ههههههههههههههههههههه
شكرا عندليب على الموضوع الجميل

شكرا لكل من خط بقلمة على تلك الصفحة ونتمنى ان ننال على اعجابكم فى هذاالمنتدى

انا بحب الخير وبحب الحنية جدا وبحب اسعد الى حواليا حتى لو على حساب نفسى احب اساعد غيرى القريب منى ولا مش قريب بحب الناس كلها وبفتكر ان كل الناس كويسة بس للاسف بتخدع فيهم اوى وبقع وبقوم من صحاب جيران قرايب بس دة طبعى بحب كل الناس من قلبى وبتعامل معهاهم باحسن معملة بحب جدا جدا جدا الخيل واكون مبسوطة لما اشوفة بحب الحب الصادق الطاهر الحقيقى بكرة الظلم وبكره جدااااااااااااا الخيانة والكدب بحب السعادة بس وقت العصبية مش بكون انا ودى مشكلتى بس بروق بسرعة من كلمتين حلوين بشيل هم غيرى اكتر من نفسى دموعى قريبة جدا فى المواقف الصعبة باخد حقى من اى حد يعمل معايا حاجة مش كويسة بس طبعا بزوق وادب وبحبكم كلكم واتمنى اكون صديقة خفيفة ومحبوبة ليكم

شكرا لكل من خط بقلمة على تلك الصفحة ونتمنى ان ننال على اعجابكم فى هذاالمنتدى

انا نفسى ربنا يرضى عنى نفسى اكون حاجه كبيره اوى والدى ووالدتى بفتخرو بيها نفسى كل اللى حوليا يبقوا مبسوطين نفسى ربنا يرزقنى بالزوج الصالح ويرزقنى بالذريه الصالحه منه ويراعى ربنا فيا ويكون بيحبنى بجد ساعتها ههديله كل حياتى من غير ما انتظر منه مقابل (نفسى اكون مدرسه ناجحه)

بجد فكرة الوضوع جميله جدا

السلام عليكم ورحمه الله وبركاته الاول

بدعى ربنا يسترها معايا ويوفقنى ويحققلى اللى بحلم به انى اخلص كليه واشتغل ويرزقنى بالزوج الصالح والزريه الصالحه

انا بحب يكون الناس مبسوطين ومش بحب المجاملات مش بحب النفاق وبكرة الخيانه واللى يظلمنى بحب الروح الحلوة والمرحه

انا ساعات عصبيه واحيانا انانيه بس طيوبه والله بس مش عارفه اقول ايه تانى

موضوع جميل اوى يمكن تكون دى الوسيلة اللى تخرجنا من الكبت اللى جوانا

[size=24][/size]
انا انسانة عادية زى اى بنت نفسى فى الاستقرار بس اظاهر دة مش مكتوبلى
كل ما قلبى يدق واحس بطعم الحياة والاقى انسان احبة ويحبنى الاقى القدر واقفلى بيحسبلى كل فرحة بعيشها والاقى الحزن قدام عينى جاى يخدنى بالاحضان ويقولى واحشانى
اول مرة مش حصل نصيب بس انكسرت اوى وحسيت ان العالم وقف ودى نهاية الدنيا
بس لما لقيت انسان تانى حس بيا بجد وعرف يخرجنى من اللى انا فية ويخطف قلبى فى عز المة وجرحة اتشديت اوى لية ونسيت كل اللى حصلى قبل كدة وسلمتلوا قلبى واحساسى وبقيت عايشة لية هو بس بردة اظاهر ان القدر مش سايبنى فى حالى وخايفة اوى يحصل حاجة تبعدنى عنة بس المرة دى لو حصلت بجد تحرم عليا الدنيا والحياة كلها لانى بجد هبقى اتحطمت هبقى انتهيت نفسى ربنا مش يفرقنا ابدا ويخلية لية ويريحة ومش يلاقى حاجة تزعلة ابدا

والله الموضوع جميل جداااااااااا
بس احتياج الانسان انه يتكلم عن نفسه شىء ضرورى
واحب اشارك معاكم فى الموضوع انا بنت عاديه بحب الصداقه
والحمد لله حققت حلمى ودخلت الكليه اللى عايزها ورضيت اهلى
بس انا حلمى اكبر من انى اتخرج دكتوره وينتهى الموضوع انا نفسى اتخصص فى المجال اللى بحلم بيه وهو جراحه المخ والاعصاب
بس للاسف مش معترف بيه للبنات هنا
بس انا هتحدى اى حد يعارضنى وحقق فيه اللى مش هيقدر اى ولد يحققه
اما بالنسبه لحياتى العاطفيه فاحب احتفظ بيها لنفسى وبجد شكرااااااااااااااااااااااا على موضوعك

شكرا لكل من خط بقلمة على تلك الصفحة ونتمنى ان ننال على اعجابكم فى هذاالمنتدى

انا انسانة عادية نفسى فى راحة بالى وقلبى وكل ما الاقى الدنيا بتضحكلى شوية الاقى القدر واقفلى بيعدلى كل نفس بتنفسة بجد انا زهقت من الدنيا دى ومن القدر مش حاسة ابدا انى عايشة حاسة انى فى عالم تانى غريب اوى دايما سرحانة بفكر فى اللى ممكن يحصلى تانى اكتر من كدة ولية القدر دايما واقفلى بالمرصاد لية كل دة بيحصلى انا ونفسى حد يحس بيا وبالعذاب اللى انا عايشاة برغم كل اللى انا فية مش بيبان عليا لانى من الناس اللى دمعتهم فى قلبهم والضحة مرسومة على شفايفهم بس من غير طعم انا مش طالبة المستحيل كل اللى انا طالباة انى اضحك مرة من قلبى نفسى احس بطعم السعادة الحقيقى نفسى--------نفسى------نفسى بس كل دة احلام عمرى ما حوصلها
بجد موضوع جميل اوى وكل الشكر ليك يا عندليب

شكرا على موضوعك الجميل واحنا كلنا محتاجين نتكلم ونفضفض
بس اظاهر ان موضوع القدر طلع مش تاعبنى انا لوحدى
انا تقريبا عندى نفس المشكله مع القدر بس انا بقنع نفسى ان ده نصيبى فى الدنيا وان ربنا عايز كده وانى الحمدلله راضيه بكل شيئ بس الدنيا معانده معايا اوى اقولها شمال تقولى يمين مكانش ليا نصيب مع الانسان الوحيد الى حبيته فى حياتى والى مخلينى لعايه دلوقتى مش عارفة انا عايزة ايه ولا عايزه مين
انا طولت عليكم وشكرا ليك عندليب