{ $ كذبه ابريل $ }

نجاح حزبنا من غير غش ولا فبركه ............... وسلتين زياده لو الف معارض اشتكى

الفوز لازم يكون لحزبنا .................. نجاح احزاب المعارضه يعمل دربكه

البلد بلدنا وحزبنا هوا الاساس .............. والحريه مكفوله ومتفصله علينا بالمقاس

واللى مش عاجبه ............. يخبط راسه فى قدره نحاس

هوا فى حد فى عهدنا .......... اترشا ولا حد بات من غير عشا

البلد فيها الف سيما للفرفشه ......... والف ساحه للذكر والدروشخه

يبقى ايه لزوم الخربشه .......... فى عهدنا كله تمام

الطابونه فاضيه والرغيف معلهوش زحام .............. وتلات فرادى فى عهدنا جوز حمام

والزيت بالكيلو مش بالجرام .......... والاسمنت سعر التراب

وطن الحديد بتمن جوز شراب ............. والامن مستتب والكتكوت فى حضن الغراب

وسمحنا ليكم بطلق الدقون ........... وسمحنا للبنات بلبس النقاب

والشباب ياكل دره مشوي .......... وعالكورنيش يشم ريحه الكباب

والبنات تلبس على الموضه .......... تتفرج على روبى ونسمع عمرو دياب

والسكن متوفر فى كل حته ......... ومقاس الاوضه سته فى سته

والشماعه على صاحب العماره .......... علشان لزوم الجاكته

والمواصلات منظمه وزى العسل .......... عمركم سمعتوا عن واحد اتنشل

والناس صحتها تمام التمام ............. ولا واحد فى البلد عنده فشل

البلد اخر حلاوه فى عهدنا ............... ادعولنا من قلبكم وبلاش كسل

ههههههههههههههههههههههههه جميل جدا فى انتظار المزيد